Korrupsiyaya qarşı mübarizə üzrə Komissiyanın işçi qruplarına üzvlərin seçilməsi məqsədilə keçirilmiş müsabiqənin nəticələri açıqlanıb
Korrupsiyaya qarşı mübarizə üzrə Komissiyanın işçi qruplarına üzvlərin seçilməsi məqsədilə keçirilmiş müsabiqənin nəticələri açıqlanıb
Azərbaycan Respublikasının Korrupsiyaya qarşı mübarizə üzrə Komissiyasının (bundan sonra – Komissiya) fəaliyyətində ictimai iştirakçılığın və institusional tərəfdaşlığın gücləndirilməsi məqsədilə Komissiyanın Reqlamentinin 2.1-ci bəndinə uyğun olaraq 2025-ci il 15 fevral tarixində Komissiyanın rəsmi internet səhifəsində qeyri-hökumət təşkilatları, media subyektləri və özəl sektorun nümayəndələri, eləcə də müstəqil ekspertlər üçün müsabiqə elan edilmişdir.
Müsabiqə 2025-ci il 31 mart tarixində başa çatmış və bu müddət ərzində Komissiyanın Katibliyinə 18 qeyri-hökumət təşkilatı (QHT) və 3 müstəqil ekspert tərəfindən müraciətlər edilmişdir.
Müraciətlər Komissiyanın Katibliyi tərəfindən Reqlamentin 2.2-ci bəndində nəzərdə tutulmuş meyarlar – təcrübə, təhsil, hüquqi və sosial tədqiqat aparmaq qabiliyyəti, təşəbbüskarlıq, komanda işi bacarığı, tənqidi təfəkkür və digər kriteriyalar əsasında qiymətləndirilmişdir.
Aparılmış qiymətləndirmə nəticəsində aşağıda göstərilən 8 QHT və 3 müstəqil ekspertin müraciəti müsbət dəyərləndirilmiş və onların Komissiyanın aidiyyəti işçi qruplarının tərkibinə daxil edilməsi barədə qərar qəbul edilmişdir:
Seçilmiş qeyri-hökumət təşkilatları və onların təmsil olunacağı işçi qrupları:
Qanunvericiliyin təkmilləşdirilməsi üzrə işçi qrupu
- “İnsan hüquqlarının təşviqi mərkəzi” İctimai Birliyi;
- “Zəfər” şəhid ailələrinə dəstək” İctimai Birliyi;
- “Vətəndaşların əmək hüquqlarını müdafiə liqası” İctimai Birliyi.
Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə üzrə işçi qrupu
- “Azərbaycan kibertəhlükəsizlik təşkilatları assosiasiyası” İctimai Birliyi.
Təhsil və maarifləndirmə üzrə işçi qrupu
- “Mülki cəmiyyətə doğru” İctimai Birliyi;
- “Vətəndaşların əmək hüquqlarını müdafiə liqası” İctimai Birliyi.
Korrupsiya risklərinin qiymətləndirilməsi üzrə işçi qrupu
- “Hüquqi təhlil və araşdırmalar” İctimai Birliyi.
Korrupsiyaya qarşı mübarizə üzrə dövlət proqramlarının monitorinqi üzrə işçi qrupu
- “Qadın, inkişaf, gələcək” İctimai Birliyi;
- “Prioritet” sosial iqtisadi araşdırmalar mərkəzi” İctimai Birliyi;
- “Hüquqi təhlil və araşdırmalar” İctimai Birliyi.
Seçilmiş müstəqil ekspertlər və onların təmsil olunacağı işçi qrupları:
Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə üzrə işçi qrupu
- Bayram Baxşalıyev.
Korrupsiya risklərinin qiymətləndirilməsi üzrə işçi qrupu
- Fuad Kələşli.
Korrupsiyaya qarşı mübarizə üzrə dövlət proqramlarının monitorinqi üzrə işçi qrupu
- Həbib Cəfərov.
Komissiya ictimai iştirakçılığın və vətəndaş cəmiyyətinin korrupsiyaya qarşı mübarizə sahəsində fəal iştirakını yüksək qiymətləndirir və bu istiqamətdə səmərəli fəaliyyətin tətbiqinin gələcəkdə davam etdirməsini qarşıya məqsəd qoyur.