Dövlət Torpaq və Xəritəçəkmə Komitəsində korrupsiyaya qarşı mübarizə üzrə Komissiya və "Qaynar xətt" yaradılıb

Dövlət Torpaq və Xəritəçəkmə Komitəsinin (DTXK) sədri Qərib Məmmədov bildirib ki, komitədə korrupsiyaya qarşı mübarizə üzrə komissiya yaradılıb və "qaynar xətt" fəaliyyət göstərir: "Vətəndaşlar üzləşdikləri neqativ hallarla bağlı həm komissiyaya, həm də "qaynar xətt"ə müraciət edə bilərlər. Q.Məmmədov bildirib ki, məqsəd korrupsiya və özbaşınalığa səbəb olan amilləri kəsməkdir". Q.Məmmədov həmçinin qeyd edib ki, ötən illər ərzində bələdiyyələrin özbaşına torpaq satmasına son qoyulmasına nail olublar: "Bilirsiniz ki, artıq torpaqlar hərraclarda satılır. Neqativ hallarla bağlı topladığımız məlumatları müvafiq qurumlara təqdim edirik, hüquqi qiyməti onlar verir".